ابوذيات جديده

[center][i][list][*][list=1][*]

---

وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه



علية سودة الليالي طوال والدور
وانا لأجلك رخصت الذهب والدور
احبك من زمان الدار والدور
شعجب لمن كبرنة تخون بية

1)ابتليت اني بكلب ظالم وهاجر
ومثل بلوة النبي بسارة و هاجر
وين انطي وجي كلي واهاجر
وانة حتى البجي يبجي علية


2)وفي لاجن كضيت العمر بالاه
ودمع العين حتى بالجدم بالاه
احبكم يا اهل بغداد بالاه
لان كلكم نشامه واريحية


3)ذكرك ما نسيته ابليل ونهار
وتجري من دموعي بحور وانهار
ابكثر نوحي دليلي اعاب وانهار
على فركاك يا روح الروح الية


4)اشمريد ارهم وياهم منتراهم
وعلي كل يوم يصبح منتراهم
لاتنغش يا صاحب منتراهم
بزي جواد بس موش الية




6)اشما طال الوكت امشي وكطعه
وابو الوجهين لرفضنه وكطعه
بنكاره اشك كلبي وكطعه
ولا كفي يدك باب الردية


7)ينهشني زماني يسار وايمين
ويطالبني على الكلمة هاك وامين
هو الحظ دكلي كعد وي مين
واعز الناس ذبحني وكطع بية


الوكت وياي كلبه ما لان
وترى حتى الليالي وياي مالان
انه من دموعي غيوم مالان
ومن علن جمر مطرن علية


9) يا دنيا بشكواي حسي
وعن وجهي غبار الضيم حسي
اضل اصرخ عليج بعلو حسي
لم تحسين يا دنياي بية


10)الف دنياي صدك ما تلفني
عنيد وغير شخصك ما تلفني
عمت عين المنايا ما تلفني
اهز دنيا ومرة تضحك علية



ابد ماشفت بخلاقك وعدلك
واريد اكتب اعله روحي وعد لك
حالف الا اموتنك وعدلك
ودفنك يمي حتى اصير اليه



الغيرك مافزع كلبي ولاثار
واظن مابعد تطلبني ولاثار
بعدهه بكلبي لجماتك والاثار
وجروحك بقت نيشان بي


همومي كبال شماتي لوني
ولا مرة يحن كلبك لوني
كون بعشرتك قاسي لواني
ابد ميصير والله الصار بيه



لون تنسون حبكم منس حبنة
وباقين أعله حبنة منسحبنة
مثل أمبير حبك منسحبنة
ألف أمبير حبك صار بية



صحيح بعيد بس كلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفركاك ماضل شعر بيه


حزن دنياي تمطر ماصحتلي
وردت بس فرصه اشوفك ماصحتلي
وكفت اكبال عينك ماصحتلي
وصحتلك مادرت وجهك عليه



الك هل دمع عيني والك صب
والك ساس بوسط روحي والك صب
سهم حبك دخل كلبي والك صاب
دليلي وصار طشاره بديه



انا الماكرر ابحجيي ولا عيد
ولا احسب ابزلاتك ولاعد
اشمالك ماتمر بيه ولا عيد
الخلل مدري ابجنابك مدري بيه



خطيتي اهـــواي ياروحي وجنــتي
ومــن دمع الندم ذبلـت وجنــتي
شجاني عفـــت فــردوسي وجنــتي
وانخدعـــت بــكشر تفاحه رديـه


تعال وشوف كلبي ولك سل بي@
لان وياي حجيك دوم سلبي@
يدنيه شما سلبتي بعد سلبي@
بعد ماخاف لو تدنه المنيه


أحس كل البشر ماله حك بيك
وحك طيب إلزرعته ومالحك بيك
الكلب ملهوف يركض مالحك بيك
رغم كل شي قريب أنته عليه



حبيبي لاتهيج الروح خلها @
عساها تموت من فركاك خلها @
لزم ايدي الطبيب وصحت خلها @
المرض بلكلب شلك بديه


اصـــيح بصوتك وانته وياي ردرد
احبك لاتروح بعيد ردرد
اذا جتك رساله شوك ردرد
لان ردك يرد الروح بيه

وحق طه نبي الرحمة ويحيى...
يموت الكلب من حبك ويحيى...
لميس تروح الك فدوة ويحيى...
وألف تركيا لعيونك هدية...


غرامك فتت المهجه ..وسلهه
سهم هجرك مرد روحي ..وسلهه
نجوم الليل حلفهه ..وسلهه
حرام النوم اذا يعبر عليه


العواذل نصبو فخهم.. والاشراك
حلفو لا بعد ابيعنك ..ولا اشراك
ولك لو مااخاف الله ..والاشراك
اكول انته الاهي ورب اليه


وحك الخندق وخيبر ...وحطين
املخ الراس بفراكك....وحط طين
اطير من الفرح صدك....وحطن
اذا رقمك يدك هسه عليه



جاري الاتصال وياك..جاري
يمن حبك نهر بالروح..جاري
وين الله وتصير بيوم..جاري
واحني الباب والحايط وادية



محبتكم علينه هاي.. نعمه
وبعدكم مانشوف الزاد ...نعمه
اكو اغنيه بشريط حسين...نعمه
كافي من البعد حنو عليه



اذا تمشي اعله دربك... مر علينه
حبيبي وبعدك انته... مر علينه
وانا بعز نومي طيفك... مر علينـــــه
افز تبعد ولك شلك عليه


ياما وياك اجد واتعــــــــب... وداري
بعذابي زين انا اعلـــــــــم... وداري
ابني بدار عدوانــــــــــــي... وداري
تهدمها وتشمت عداي بيه

مو حب بلقلب هذا... ورمشــــــــاك
وذوب بشوفت عيونك ...ورمشــاك
اظل للموت بس امشي... ورمشـاك
لان روحي التحبك مو بيدية


حبل مواصلك ياترف... عدمــــــــن
عيوني من البواجي عليك ...عدمن
أدور على الوفى ياناس... عدمـــن
الوفى واحد وضاع بتسع ميه[quote]

عـــــاشــــت ايـــــدك عـــيـــوني
ابــوذيــة رائـــعـة وجـــمــيلة
دووووم الابــــداع والتالـــــــــق
تــحــيــــاتــــي الحارة لشخــــصك
يـــــثــبــت لــعــونــك

ك هل دمع عيني والك صب
والك ساس بوسط روحي والك صب
سهم حبك دخل كلبي والك صاب
دليلي وصار طشاره بديه



مشكووور حبيبي
والله روعه الابو ذيات
عاشت ايدك
مشكور حبيبي